სწავლების მიზანი
ამ ნაწილის ბოლოს მწვრთნელისათვის გასაგები გახდება ძირითადი ფაქტორების
კონცეფცია. იგი გამოიცნობს თუ რომელი ძირითადი ფაქტორების გამო არ სრულდება
კარგად ესა თუ ის ტექნიკური ილეთი და შეძლებს მათ გამოსასწორებლად ვარჯიშის
დაგეგმვასა და წარმართვას.

შესავალი
თავდასხმისა და დაცვის პრინციპები განსაზღვრავენ თუ რა უნდა გაკეთდეს, ხოლო
ინდივიდუალური ტექნიკა წარმოადგენენ ამ პრინციპების რეალიაციის საშუალებას.
აქედან გამომდინარე არსებობს კავშირი პრინციპებსა და მათი განხორციელებისათვის
აუცილებელ ინდივიდუალურ ტექნიკას შორის. ეს კავშირი ნაჩვენებია ქვემოთ მოცემულ
ცხრილში.

დაცვა

რას ნიშნავს ძირითადი ფაქტორების ანალიზი ?

ძირითადი ფაქტორების ანალიზი სშუალებას გვაძლევს შევისწავლოთ თითოეული ტექნიკური ილეთი და დავანაწევროთ ის შემადგენელ ნაწილებად რომელთა თანმიმდევრული და სწორი შესრულება საშუალებას მისცემს მოთამაშეს სწორად შეასრულოს მოცემული ტექნიკური ილეთი. ძირითადი ფაქტორების ჩამონათვალი მწვრთნელისთვის წარმოადგენს მოდელს, რომელსაც შეიძლება შევადაროთ მოთამაშის მიერ შესრულებული ტექნიკური ილეთი და გამოვყოთ ის მონაკვეთები, რომელთა დახვეწაც აუცილებელია.

ძირითადი ფაქტორების გამოყენება ვიდეოანალიზისას

1. ვიდეო ჩანაწერის ყურებისას ეცადეთ გამოავლინოთ მოთამაშე ან მოთამაშეები, რომლებსაც ტექნიკური წუნი ჰქონდათ და განსაზღვრეთ რომელ ტექნიკურ ილეთზეა სამუშაო.
2. განსაზღვრეთ, რომელი ძირითადი ფაქტორები შესრულდა ცუდად.
3. იმსჯელეთ ტექნიკური წუნის მიზეზებზე თქვენს სამწვრთნელო გუნდთან ერთად, ძირითადი ფაქტორების ჩამონათვალის გამოყენებით.
4. შეადგინეთ სამუშაო სია პრიორიტეტების მიხედვით.

ძირითადი ფაქტორების გამოყენება წინასწარ დაგეგმილი კომბინაციებისას

1. დარწმუნდით მოთამაშეების მიერ დაგეგმილი კომბინაციების კარგად ათვისებაში.
2. გამოავლინეთ შეცდომა.
3. მოახდინეთ იმ მოთამაშის ან მოთამაშეების იდენტიფიცირება ვისი მიზეზითაც მოხდა შეცდომა. ზოგ შემთხვევაში, მაშინაც კი, როდესაც საქმე ინდივიდუალურ ტექნიკას ეხება, პასუხისმგებლობა შეიძლება რამდენიმე მოთამაშეზე გადანაწილდეს. მაგ. პასი შეიძლება გაფუჭდეს გამშვების, მიმღების ან ორივე მათგანის მიზეზით.
4. იმსჯელეთ შეცდომის მიზეზებზე თქვენს სამწვრთნელო გუნდთან ერთად და გამოიყენეთ ძირითადი ფაქტორების ჩამონათვალი, როგორც საკონტროლო სია.
5. შეადგინეთ მიზეზების სია პრიორიტეტების მიხედვით.